गोरखा नगर क्षेत्रको पस्लाङ, रिप, अमराई लगायतका बन क्षेत्रबाट संकलन गरेको नवपत्र काठमाडौ पठाइएको उनले बताए । संकलन भएको नवपत्रमध्ये केही गोरखा दरवारमा भित्राउने केही हनुमानढोका लागि पठाउने प्रचलन छ । पुर्ख्यौली थलोको कुल देवतामा चढाइने फुलपाती हनुमानढोकाको नवस्थापित देवतामा पनि चढाउने मान्यता शाह वंशीय राजाहरुले नै सुरु गरेको भट्टराइले बताए । पृथ्वीनारायण शाहले काठमाडौ विजय पश्चात गोरखा दरवारबाट फुलपाती हनुमानढोका लगेर भित्राउने प्रचलन सुरु भएको उनले बताए ।गोरखाबाट फुलपाती पुगेपछि मात्र हनुमानढोकामा बढ्याइ चल्छ । सडक सुविधा नहुँदा पैदलमार्गबाट लैजाने फुलपाती सडक सञ्जालको विस्तारसँगै सवारी मार्फत लैजाने प्रचलन सुरु भएको थियो ।