वीरगञ्ज - वीरगञ्जको मुर्ली टोलस्थित सगरमाथा माध्यमिक विद्यालयद्वारा आयोजित वार्षिक र पुरस्कार वितरण कार्यक्रम २०८१ सालको माघ महिनाको २४ गते (शनिबार) सम्पन्न भएको छ। यस अवसरमा विद्यालयका कक्षा ९ देखि १० सम्मका ३५० विद्यार्थीलाई मेडल र प्रमाणपत्र वितरण गरिएको छ। कार्यक्रमका सभापति विद्यालयका प्रधानाध्यापक जियालाल गुप्ता थिए भने प्रमुख अतिथि हरि राउत, शिक्षा विकास तथा समन्वय इकाई पर्साका इकाई प्रमुख, विशिष्ट अतिथि रामबिनय चौरसिया, नेशनल प्याब्सनका केन्द्रिय वरिष्ठ उपाध्यक्ष, शुशिल भट्टराइ, नेशनल प्याब्सनका केन्द्रिय सचिव, र शेक अजहर, नेशनल प्याब्सनका नगर सचिवको उपस्थिति रहेको थियो। कार्यक्रममा विद्यालयका प्रधानाध्यापक, शिक्षक-शिक्षिका, अभिभावकहरू साथै विभिन्न विद्यालयका प्रधानाध्यापकहरू र अन्य अतिथिहरूको सहभागिता रहेको थियो। कार्यक्रमका संयोजक श्री संजीव यादव ज्यूको समर्पण र प्रयासले यस कार्यक्रमलाई सफल बनाउन महत्वपूर्ण भूमिका निभाएका थिए। यो कार्यक्रम विद्यालयका विद्यार्थीहरूका लागि विशेष महत्व राख्दछ, जसले उत्कृष्ट कार्यक्षमता र शिक्षा क्षेत्रमा योगदान पुर्याउने विद्यार्थीहरूलाई सम्मानित गर्ने अवसर प्रदान गरेको छ।