काठमाडौँ । लोकतान्त्रिक समाजवादी पार्टी नेपालले केन्द्रीय समितिमा कार्यविभाजनको गृहकार्य थालेको छ । ६३ जनाको पदाधिकारीसहित ३११ सदस्यीय कार्य समिति सार्वजनिक गरेपछि उनीहरुको कार्यविभाजनको तयारी थालिएको हो ।कार्य समिति सार्वजनिक भएपछि बसेको कार्यकारिणी समितिको बैठकमा पनि नेताहरुले पार्टीभित्र कार्य विभाजन गरेर संगठनलाई क्रियाशिल गर्न सुझाव दिएका थिए ।पार्टीका वरिष्ठ उपाध्यक्ष जितेन्द्र सोनलले पार्टीका अध्यक्ष महन्थ ठाकुर आन्तरिक तयारीमा लागेका छन्, दशैंपछि विभाजनको काम सम्पन्न गर्ने सोनलले बताए । अध्यक्ष ठाकुर स्वयंले पनि कार्य समितिमा कार्य विभाजन गराएर संगठनलाई अगाडि बढाउने बताउँदै आएका छन् ।