तर पछिल्लो दिनमा सरकारले सभा जुलुस गर्न पाउने अधिकार कुन्ठित गर्दै प्रदर्शनलाई साँघुर्‍याउने प्रयास गरेकाे भन्दै उनले विरोध गरे । शनिबार भएको प्रदर्शनमा समेत प्रहरीले बल प्रयोग गर्नुका साथै भिक्षुलाई लात्ति हान्ने काम गरेको भन्दै त्यसको निन्दा गरे ।राप्रपाले गर्ने प्रदर्शन शान्तिपूर्ण हुने भन्दै उनले भने, ‘त्यो क्रममा कथित निषेधित क्षेत्र घोषणा गरेर सरकारले अवरोध गर्न खोज्यो भने त्यसको प्रतिवाद गर्नेछौं । राप्रपा निषेधित क्षेत्र तोडेर अगाडि बढ्ने छ ।’उनले पर्सिको प्रदर्शनमा साथ दिन राप्रपा बाहेकका दलका नेता कार्यकर्तालाई समेत आग्रह गरे । राप्रपाको झण्डामा आउन नसक्नेहरु राष्ट्रिय झण्डाका साथ आउन सक्ने भन्दै उनले भने, ‘अन्य पार्टीको झण्डा बोकेर आउनु भए पनि हुन्छ ।’