काठमाडौँ — निर्वाचन आयोगले शनिबार हुने उपनिर्वाचनमा सहभागी हुन अपिल गरेको छ । शुक्रबार विज्ञप्ति जारी गर्दै आयोगले शनिबार सम्पन्न हुने इलाम-२ र बझाङ १ (१) मा हुने उपनिर्वाचनमा सहभागी हुन अपिल गरेको हो । आयोगले उक्त निर्वाचनको सम्पूर्ण तयारी पूरा भएको समेत जनाएको छ । आयोगले उपनिर्वाचनका लागि बिहान ७ बजेदेखि साँझ ५ बजेसम्म आफ्नो तोकिएको मतदान केन्द्रमा उपस्थित भई मतदान गर्न सम्पूर्ण मतदाताहरुलाई अपिल गरेको छ । आयोगले निर्वाचन आचारसंहिता पालना गराउन र निर्वाचन सुरक्षाबारे सूक्ष्मरुपमा अनुगमन कार्य भइरहेको उल्लेख गरेको छ ।निर्वाचनलाई स्वच्छ, स्वतन्त्र, निष्पक्ष, विश्वसनीय तथा भयमुक्त वातावरणमा सम्पन्न गर्न निर्वाचन हुने दिनभन्दा ४८ घण्टा अगाडिबाट सुरू भएको प्रचारप्रसार निषेधको अवधिमा निर्वाचन आयोग ऐन, २०७३, निर्वाचन (कसुर तथा सजाय) ऐन, २०७३ र निर्वाचन आचारसंहिता, २०७९ को पालनामा आयोगले विशेष सजगता अपनाएको छ,' विज्ञप्तिमा भनिएको छ, 'निर्वाचन आचारसंहिताको प्रभावकारी कार्यान्वयनका लागि निर्वाचन अनुगमन समिति, अनुगमन अधिकृत, मतदान कार्यमा खटिएका कर्मचारी एवम् सुरक्षाकर्मीबाट समेत सूक्ष्म अनुगमनको कार्य भइरहेको छ ।'