काठमाडौँ । राष्ट्रिय मुक्ति क्रान्ति अभियानका संयोजक राजेन्द्र महतोले टिकापुर विद्रोहपछि थारु समुदायको पहिचानको अस्तित्व नै सङ्कटमा पारिएको आरोप लगाएका छन् । टिकापुर काण्ड भएको ९ वर्ष पुरा भएको सन्दर्भमा एक विज्ञप्ति जारी गर्दै महतोले सो आरोप लगाएका हुन् ।  उनले टिकापुर विद्रोहपछि त्यसको सत्य तथ्य छानबिन गर्न बनेका विभिन्न आयोगका प्रतिवेदन सार्वजनिक समेत नगरिएको बताउँदै थरुहट आन्दोलनकर्मी नेता कार्यकर्ताहरूमाथि सुनियोजित ढङ्गले झुटा मुद्दा लगाएर फसाएको आरोप लगाएका छन् ।