बाँके(राप्ती सोनारी) : बाँकेको राप्तीसोनारी गाउँपालिकाको अध्यक्ष र उपाध्यक्षमा नेपाली कांग्रेसका तप्त पौडेल र मनिषासिंह थारु निर्वाचित भएका छन् । पौडेल र थारु निर्वाचित भइसकेका छन्, तर, घोषणा हुन बाँकी छ । उक्त गाउँपालिकाको वडा नम्बर १,२,३,८ र ९ मा नेकपा एमाले निर्वाचित भएको छ । भने, वडा नम्बर ४, ५ र ७ मा माओवादीका वडा अध्यक्ष निर्वाचित भएका छन् । यस्तै वडा नम्बर ६ मा भने राप्रपा निर्वाचित भएको छ । उक्त गाउँपालिकामा २०७४ को निर्वाचनमा नेपाली कांग्रेसले गाउँपालिका अध्यक्ष र उपाध्यक्षसहित ५ वटा वडा जितेको थियो ।