एमालेले उक्त घटनालाई गम्भीर, संवेदनशील र चिन्ताजनक भनेको छ । ‘यस्तो विषम र संवेदनशील परिस्थितिमा पनि वर्तमान सरकार पूर्णतः उदासीन, गैरजिम्मेवार र मूकदर्शक बनेको छ । जनताको स्वास्थ्यजस्तो संवेदनशील विषयमा सरकारले देखाएको यो चरम उदासीनताप्रति हाम्रो पार्टी खेद व्यक्त गर्दछ’, एमाले महासचिव शंकर पोखरेलले बुधबार जारी गरेको विज्ञप्तिमा भनिएको छ ।  चिकित्सक तथा स्वास्थ्यकर्मीहरूको पेसागत एवम् शारीरिक सुरक्षाको पूर्ण ग्यारेन्टी गर्नु राज्यको प्राथमिक दायित्व भएको स्मरण गराउँदै कार्यस्थलमा बिना कुनै भय र त्रास सेवा दिने वातावरण तुरुन्त निर्माण गर्न माग गरेको छ।