नेपालगन्ज । लुम्बिनी प्रदेश सरकारका मुख्यमन्त्री जोखबहादुर महराले प्रदेशसभाबाट विश्वासको मत प्राप्त गरेका छन् । आज बसेको प्रदेशसभाको बैठकबाट मुख्यमन्त्री महराले विश्वासको मत प्राप्त गरेका हुन् ।आफुप्रति प्रदेशसभाको विश्वास रहेको पक्षमा मत दिन आह्वान गर्दै मुख्यमन्त्री महाराले म भन्ने भावनाबाट नभै हामी भन्ने भावनाबाट प्रदेश सरकार संचालन गर्ने प्रतिबद्धता ब्यक्त गरेका थिए । उनले विकासको वार्षिक क्यालेण्डर बनाएर अगाडी जाने बताउँदै सबैको भावनालाई समेटेर सरकार संचालन गर्ने जनाएका थिए । उनले निरासाबादमा रुमल्लिएकाहरुले दुनिया बदल्न नसक्ने उनले बताए । यथास्थितीबादबाट परिवर्तन हुन नसक्ने उल्लेख गर्दै उनले आफुहरु नयाँचिज प्राप्त गर्न निरन्तर बिद्रोह गर्न तयार रहेको बताए । महराको प्रस्तावलाई लुम्बिनी प्रदेशसभाका सभामुख तुलाराम घर्तीले निर्णयार्थ प्रस्तुत गर्दा प्रदेशसभाका ४८ जना सदस्यहरुले महरा प्रति विश्वास छ भन्ने अर्थात हुन्छ भन्ने पक्षमा मतदान गरेका छन् भने महरा प्रति विश्वास छैन अर्थात हुन्न भन्ने पक्षमा २८ मत प्राप्त भएको थियो ।सभाभा सभामुख घर्तीले मुख्यमन्त्री विश्वासको मत प्राप्त भएको घोषणा गर्दै महरालाई बधाई दिएका थिए । प्रदेशसभाको बैठक बैशाख २ गते बस्ने गरि अन्त्य भएको छ ।