काठमाडौँ । श्रम, रोजगार तथा सामाजिक सुरक्षा मन्त्रालयले रोमानिया जानेलाई नेपालबाटै भिसा उपलब्ध गराइदिन अनुरोध गरेको छ । भिसाका लागि भारत जानुपर्ने बाध्यता रहेको भन्दै श्रम मन्त्रालयले नेपालबाटै भिसा उपलब्ध गराइदिन अनुरोध गरेको हो । राजदूत सेजोनोभका अनुसार रोमानियाले गत जनवरी देखि हालसम्म नेपाली युवाको लागि सात हजार ८०० भिसा जारी गरेको छ । गतवर्ष ११ हजार ५०० नेपाली श्रमिक रोमानिया पुगेको उनले बताइन् ।नेपाल र रोमानिया सरकारबिच सन् १९६८ को अप्रिल २० मा कूटनीति सम्बन्ध स्थापित भएको थियो । नेपाल र रोमानिया सरकारबिच सन् २०२३ को अक्टोबर ६ मा श्रम सम्बन्धी समझदारी भएको थियो । रोमानियामा हाल करिब १० हजार नेपाली श्रमिक कार्यरत छन् । पछिल्लो समय रोमानिया नेपाली श्रमिकहरूको लागि गन्तव्य मुलुक बन्दै गएको छ ।