काठमाडौँ — कांग्रेस र एमाले गठबन्धन भई सरकार गठन भएसँगै संघीय संसद् सचिवालयका ५० जना करार र ज्यालादारीका कर्मचारी हटाएको भन्दै प्रतिनिधिसभामा सांसदहरूले आपत्ति जनाएका छन्  प्रतिपक्षी राप्रपा सांसद रोशन कार्कीले भनिन्, 'संसद् सचिवालयका ५० जना करार र ज्यालादारीका कर्मचारीहरूले अस्ति शुक्रबार पूर्जी पाए । उनीहरू १० देखि ५ वर्ष हामीलाई सहयोगीको रूपमा काम गरिरहेका थिए यो सरकार आएपछि हठात् हटाइए । उनीहरूले आफ्ना छोराछोरी बाउआमालाई कसरी पाल्छन् ? अहिलेको मन्दीको बेला कहाँबाट जागिर पाउने ।ती कर्मचारीहरूलाई खाडी जाउ भन्न खोजेको हो सरकारले भनेर सांसद कार्कीले प्रश्न गरिन् । सहरी विकास मन्त्रालयका मन्त्रीले तत्काल उक्त निर्णय उल्ट्याउनुपर्ने सांसद कार्कीको माग थियो ।