काठमाडौं । नेकपा माओवादी केन्द्रका केन्द्रीय सदस्य एवं काठमाडौँ जिल्ला इन्चार्ज सूर्य सुवेदीले जनयुद्धकालीन पत्रकारिताले परिवर्तनमा ठुलो भूमिका खेलेको बताएका छन्। प्रचार मोर्चामा खटेका थुप्रै पत्रकारले बलिदान दिएको बताउँदै उनले पछिल्लो समय काठमाडौँ लगायत देशभर प्रेस सेन्टर नेपालले राम्रो प्रगति गरेको र यसबाट पार्टीले पनि सिक्ने धारणा राखे ।प्रेस सेन्टर नेपाल जिल्ला समन्वय समिति काठमाडौँको चौथो अधिवेशनको उद्घाटनसत्र उनले पार्टीको केन्द्रीय समितिको बैठकले क्रान्तिलाई नयाँ ढङ्गले अगाडि बढाउने निर्णय गरेको बताए । माओवादी देशको विकल्प भएको दाबी गर्दै उनले केन्द्रीय समितिको बैठकले पार्टीलाई जनतातर्फ फर्काएको बताए ।