सञ्चालक समितका एक सदस्यले सोमबार नै श्वेतपत्र स्वीकृत गरिसकेकाले त्यसमा उल्लेखित तथ्यांकहरु मिलाएर सार्वजनिक गर्ने कार्यक्रम तय भइसकेको थियो ।तत्कालीन कार्यकारी निर्देशक कुलमान घिसिङले मुलुकभर ९९ प्रतिशत विद्युतीकरण भएको बताउँदै आएका थिए । तर प्राधिकरणले तयार पारेको श्वेतपत्रमा विद्युतीकरण ९१.४१ प्रतिशतमा पुगेको उल्लेख छ । यस्तै, ०८१ माघसम्म कुल ग्राहक संख्या ५५ लाख ८६ हजार ३७ रहेको उल्लेख गरिए पनि घिसिङले सामुदायिकसहित ५९ लाख ३५ हजार पुगेको जनाएका थिए ।'मंगलबार उक्त श्वेतपत्र सार्वजनिक हुन्छ भन्ने नै थियो,' ती सदस्यले भने, 'देशभरको विद्युतीकरणदेखि विद्युत्‌को पहुँच पुगेका घरपरिवारको संख्या पहिलाको भन्दा कम थियो ।त्यसैले त्यसलाई मिलाउन बोर्ड बैठकले निर्देशन दिएको थियो ।'