काठमाडौँ । आजपाका अध्यक्ष प्रभु साहले सरकारको नीति तथा कार्यक्रम कर्मकाण्डी मात्रै भएको बताएका छन् । सरकारको नीति तथा कार्यक्रम पेस भएपछि शुक्रबार संसद भवन नयाँ बानेश्वरमा सञ्चारकर्मीहरूलाई प्रतिक्रिया दिँदै साहले उत्साह जगाउने कुनै कार्यक्रम आउन नसकेको प्रतिक्रिया दिएका हुन् । प्रस्तुत नेपाल सरकारको नीति तथा कार्यक्रम कर्मकाण्डी एवं निराशाजनक छ’, उनले भने, ‘यो गत सालको कपी पेस्टमात्र हो ।’ यस्तो नीति तथा कार्यक्रमले देशलाई निकास दिन नसक्ने उनको भनाइ छ । उनले भने, ‘यो क्यान्सरको रोगीलाई टीबीको औषधी भनेजस्तै हो । कुनै अर्थ छैन ।’राष्ट्रपति रामचन्द्र पौडेलले शुक्रबार संघीय संसदको संयुक्त बैठकमार्फत सरकारको नीति तथा कार्यक्रम सार्वजनिक गरेका थिए ।