Comments
काठमाडौँ । जनता समाजवादी पार्टी (जसपा) नेपालले विभिन्न पाँच वटा कलस्टरहरूलाई मिलाएर एक संगठन बनाई आन्दोलनको तयारी थालेको छ । पार्टी अध्यक्ष उपेन्द्र यादवले चन्देश्वर पासवानको नेतृत्वमा दलित, पिछडावर्ग, थारू, आदिवासी र अल्पसंख्यकलाई एकै ठाउँमा राखेर ‘डोटिम’ परिसंघ गठन गरेको हो । जसले आन्दोलनको तयारी गर्ने पार्टीले जनाएको छ ।
यस्तो किन भन्ने जिज्ञासामा डोटिम परिसंघका संयोजक पासवानले भने, ‘एक्लाएक्लै आन्दोलन गरेर सम्भव नदेखिएकाले पाँचै वटा कलस्टरलाई मिलाएर आन्दोलनको तयारी भइरहको बताए । पार्टीमा छुट्टाछुट्टै भ्रातृ संगठन पनि छ, त्यसले आफ्नो तरिकाले कार्यक्रम र गतिविधिहरू गर्नेछन् तर संयुक्त आन्दोलन तथा संघर्षका लागि यो परिसंघ गठन गरेका हौँ,’ उनले प्रस्ट पारे ।
पहिलो चरणमा सात वटा जिल्लामा कार्यक्रमहरू गर्ने, त्यसपछि आन्दोलनको एउटा स्वरूप तयार गरी त्यसमा लाग्ने उनले जानकारी दिए । ‘अन्ततः गर्ने आन्दोलन नै हो, तर अहिले त्यसको तयारी भइरहेको छ ।’ उनका अनुसार असार २८ गते काठमाडौँमा बागमती प्रदेशको विशाल कार्यक्रम हुनेछ । त्यो कार्यक्रमले पनि एउटा सन्देश दिने उनले बताए । नेपालमा पटक–पटकका संघर्ष र राजनीतिक परिवर्तन भए पनि सबै ठाउँमा एकल जातीय वर्चस्व, सामन्तवादी चिन्तनले दलित, पिछडावर्ग, थारू, आदिवासी जनजाति र अल्पसङ्ख्यक समुदायहरूमाथि असमानता कायम रहेको उनको भनाइ थियो ।
राजनीतिक, आर्थिक र सामाजिक बहिष्करण तथा सीमान्तीकरण भनेको ऐतिहासिक, सामाजिक र संरचनागत असमानताको परिणाम हो,’ जसपा नेपालले भनेको छ । राज्यबाट बहिष्करणमा पारिएका समुदायको अधिकार र न्याय प्राप्तिका लागि भइरहेको आन्दोलनहरूप्रति ऐक्यबद्धता जनाउने र आवश्यक कार्य गर्ने परिसंघका संयोजक पासवानले बताए । पूर्ण समानुपातिक निर्वाचन प्रणाली, प्रतिनिधिसभा र राष्ट्रियसभामा समान जनसंख्याका आधारमा प्रतिनिधित्वको व्यवस्था र स्थानीय तहलाई प्रदेशको क्षेत्राधिकारभित्र रहने व्यवस्था गराउन पनि आन्दोलन गरिने उनको भनाइ थियो ।
लेखकको बारेमा
यो खबर पढेर तपाईलाई कस्तो महसुस भयो ?
प्रतिक्रिया
Leave a Reply
कुनै पनि प्रतिक्रिया पाईएन !
ट्रेन्डिङ
सम्बन्धित खवर
