राष्ट्रपति पौडेलले ‘आर्थिक वर्ष २०८२/८३ को सेवा र कार्यको लागि संघीय सञ्चित कोषबाट रकम विनियोजन र खर्च गर्ने सम्बन्धमा व्यवस्था गरेको विधेयक’, ‘नेपाल सरकारको अर्थ सम्बन्धी प्रस्तावलाई कार्यान्वयन गर्न बनेको विधेयक’ र ‘राष्ट्र ऋण उठाउने अधिकारको व्यवस्था गर्न बनेको विधेयक’ गरी तीन विधेयक प्रमाणीकरण गरेका हुन् ।राष्ट्रपति कार्यालयकी प्रवक्ता शैलजा रेग्मी भट्टराईका अनुसार यी तीन विधेयकहरू संघीय संसदको दुवै सदनको बैठकबाट पारित भई पेस भएका प्रमाणीकरणका लागि राष्ट्रपति कार्यालयमा पेस गरिएका हुन् ।