काठमाडौँ । वर्तमान केपी शर्मा ओली नेतृत्वको गठबन्धन सरकारमा नेपाली कांग्रेसको तर्फबाट सहभागी भएर काम गर्न नसकेका मन्त्रीहरूलाई फिर्ता बोलाउन सभापति शेरबहादुर देउवालाई नेताहरूले सुझाव दिएका छन् । मंगलबार बिहान देउवा निवास बुढानीलकण्ठ पुगेर पूर्व उपसभापतिहरू विमलेन्द्र निधि, गोपालमान श्रेष्ठ र विजयकुमार गच्छदार, पूर्वमहामन्त्रीहरू प्रकाशमान सिंह र कृष्णप्रसाद सिटौला तथा पूर्वसहमहामन्त्री डा. प्रकाशशरण महतले काम गर्न नसकेका मन्त्रीहरूलाई फिर्ता बोलाउन सुझाएका हुन् । भेटमा सहभागी पूर्व उपसभापति श्रेष्ठले सरकारमा गएको एक वर्ष पुगेकाले पार्टीका तर्फबाट मन्त्री बनेकाहरूको कार्यसम्पादन मूल्याङ्कन गर्दै राम्रो काम गर्न नसक्नेलाई फिर्ता बोलाउन सभापतिलाई सुझाव दिइएको जानकारी दिए ।