झापा — आगामी असोज ३ गतेदेखि झापाको मेचीनगर–१५ स्थित ज्यामिरगढीमा ‘त्रिवेणी च्यालेन्ज कप–२०८२’ हुने भएको छ ।त्रिवेणी युवा क्लबले ज्यामिरगढीको पहिचानलाई थप उचाइमा पुर्‍याउन अन्तर्राष्ट्रिय आमन्त्रणीय नकआउट फुटबल प्रतियोगिता आयोजना गर्न लागेको हो । असोज ११ सम्म सञ्चालन प्रतियोगितामा नेपालका ६ र भारतका दुई गरी ८ टिमको सहभागिता रहने क्लबका अध्यक्ष विदुरसिंह खवासले जानकारी दिए । उनका अनुसार आयोजक त्रिवेणी युवा क्लब, मानेभन्ज्याङ दार्जिलिङ (भारत), झापा एफसी, ब्रदर एफसी, बेलबारी फुटबल क्लब, सैनिक फुटबल क्लब, रेडहर्स इलाम र युकेएफसी कर्सङ (भारत) गरी ८ टिमको सहभागिता रहनेछ ।