जितनढीलाई राष्ट्रिय सम्पदामा सूचिकृत गर्ने र जितगढी उत्सवलाई राष्ट्रिय उत्सवका रूपमा मनाउने विषयलाई प्राथमिकतामा राखेर संघीय सरकारसँग पहल भइरहेको छ’, उनले भने, ‘यो मागलाई संघीय सरकारले सम्बोधन गर्नुपर्छ ।मुख्यमन्त्री आचार्यले राष्ट्र, राष्ट्रियता र स्वाधीनताको रक्षामा अग्रजहरूको बलिदानलाई सम्मान गर्नुपर्ने बताए । ‘उच्च मनोबल र रणनीतिक कौशलका आधारमा आधुनिक हतियार सहितको अंग्रेज सेनामाथि विजय हासिल गरेको इतिहास हामी सबैका लागि गर्वको विषय हो’, उनले भने, ‘जितगढी किल्ला राष्ट्रिय स्वाभिमानसँग जोडिएको सम्पत्ति भएकाले यसको संरक्षण र विकास गर्नु संघीय सरकारको दायित्व हो ।इतिहासविद् देवेन्द्रराज शाक्यले जितगढी किल्लाको ऐतिहासिक पृष्ठभूमिबारे जानकारी गराएको कार्यक्रममा नगर प्रमुख खेलराज पाण्डेले हरेक वर्ष उत्सव मनाइँदै आएको र उत्सवमार्फत किल्लाको संरक्षण, प्रवर्द्धन र वीरताको इतिहासलाई जनस्तरसम्म पुर्‍याउने लक्ष्य राखिएको बताए ।