काठमाडौँ । गृहमन्त्री सुधन गुरुङ आज सुनसरी जाँदै छन् । प्रधानमन्त्री तथा मन्त्रिपरिषद्को कार्यालयमा प्रधानमन्त्री वालेन्द्र बालेन शाहसँग भेट गरेपछि उनी सुनसरीको देवानगञ्ज गाउँपालिका–३, कप्तानगञ्जतर्फ प्रस्थान गर्न लागेका हुन् । गृहमन्त्रीको सचिवालयका अनुसार  त्यहाँ पुगेर गुरुङले गत साउन १० गते सुनसरीमा भएको झडपमा मृत्यु भएका ओमप्रकाश मेहताका परिवारसँग भेट गर्नेछन् । साथै, सोही घटनामा घाइते भई उपचारका क्रममा आज मृत्यु भएका जयप्रकाश मेहताका परिवारसँग पनि भेटघाट गर्ने कार्यक्रम रहेको छ । गृहमन्त्रीसँगै स्वास्थ्य तथा खाद्य स्वच्छतामन्त्री निशा मेहता पनि सुनसरी जाने कार्यक्रम छ । सुनसरी मन्त्री मेहताको गृह जिल्ला हो ।