लुम्बिनी । लुम्बिनी विकास कोषका उपाध्यक्ष प्रथम योल्मो खेन्पो (छिमे छिरिङ) डा.ल्हारक्याल लामाले लुम्बिनी गुरुयोजनाको  निर्माणको काम एक महिनाभित्र  सम्पन्न गर्न निर्देशन दिएका छन् । बुधबार निरीक्षण तथा अनुगमनपछि उनले विकास निर्माण आयोजनाको गुणस्तरीयतामा ध्यान दिएर एक महिनाभित्र काम सम्पन्न गर्न निर्देशन दिएका हुन् ।लुम्बिनी विकास कोषको गुरुयोजना ४५ वर्षपछि पूरा हुने अन्तिम चरणमा पुगेको छ तर काम भने अधुरै रहेको छ।  कोषले दुई वर्षभित्र निर्माण कार्य सम्पन्न गर्न निर्माण व्यवसायीसँग पहिलो चरणको ठेक्का सम्झौता गरे पनि सम्झौताको करिब २ महिना बाँकी रहदा पनि निर्माण कार्य आधा पनि हुन नसक्दा कोषका नवनियुक्त उपाध्यक्ष लामाले फिल्डमा गएर निमार्ण कार्यको अनुगमन गरेका हुन् ।