काठमाडौँ  । लोकतान्त्रिक समाजवादी पार्टी नेपाल (लोसपा)ले सर्लाहीमा समाजिक सद्भाव कायम गर्न सबै पक्षसँग आग्रह गरेको छ ।लोसपाका अध्यक्ष महन्थ ठाकुरले आज एक विज्ञप्ति जारी गरी केही दिनदेखि सर्लाहीको मलंगवामा देखिएको समाजिक तथा धार्मिक तनावप्रति आफ्नो ध्यानाकर्षण भएको बताएका छन् । नेपाल बहु जातीय, बहु भाषिक, बहु धार्मिक, बहु सांस्कृतिकसहितको विविधतायुक्त देश हो र पूर्णरुपेन सहिष्णु समाजिक परिवेश नै पहिचानरहेको उनले उल्लेख गरेका छन् ।