नेपलागन्ज ६ जेठ : बाँकेको जानकी गाउँपालिकामा नेपाली काँग्रेसका दुवै उम्मेदवार विजयी भएकाछन् ।गत निर्वाचनमा नेकपा एमालेले जितेको जानकी गाउँपालिकालाई नेपाली काँग्रेसले यसपटक शानदार जित निकाल्दै आफ्नो किल्ला बनाउन सफल भएको हो ।उक्त गाउँपालिकाको अध्यक्षमा काँग्रेसका छब्बन खाँ र उपाध्यक्षमा रामप्यारी यादव निर्वाचित भएका हुन् ।२०७४ को निर्वाचनमा उक्त गाउँपालिकामा काँग्रेसका उम्मेदवार झिनो मतले पराजित भएका थिए । अध्यक्षमा पराजित भएका खाँलाई काँग्रेसले यसपटक पुनः उम्मेदवार बनाएपछि निर्वाचित भएका हुन् । यसपटक खाँले नेकपा एमालेका हिमान्सु यादवलाई पराजित गरे । उपाध्यक्षमा काँग्रेसकी रामप्यारी यादवले ६ हजार ९०९ मत ल्याएर विजयी भइन् । उनका निकटतम प्रतिद्वन्द्वी नेकपा एमालेकी भुमिसरा धितालले ३ हजार ४५६ मत ल्याउँदा नेकपा माओबादीका रक्षाराम कुर्मीले २ हजार २२९ र राप्रपाकी कुस्मा रैदासले ७ सय ७३ मत पाए ।