बुटवल  । जनमत पार्टीका अध्यक्ष डा.सीके राउतले राष्ट्रिय पुँजी निर्माण गरेर मात्र विकास र रोजगारीको सिर्जना गर्न सकिने बताएका छन् । पार्टीको लुम्बिनी प्रदेश समिति कार्यालयको भैरहवामा उद्घाटन गर्दै डा.राउतले समाजवाद उन्मुख भनेर मात्र नहुने भन्दै त्यसलाई व्यवहारमा ल्याउनुपर्ने बताए ।उनले शिक्षा र स्वास्थ्य राज्यले हेर्नुपर्ने र उद्योग धन्दा निजी लगानीमा सञ्चालन गर्न दिनुपर्ने बताए । उनले देशको अवस्थाको कारणले बिदेसिएका युवाहरूलाई स्वदेशमै फर्काउन सकिने वातावरण बनाउन राज्यले स्पष्ट नीति ल्याउनुपर्ने बताए । उनले मुलुकको व्यवस्थामा परिवर्तन आए पनि जनताको अवस्थामा खासै परिवर्तन आउन नसकेको समेत सो क्रममा बताए ।