Comments
काठमाडौँ — सत्तारुढ राष्ट्रिय स्वतन्त्र पार्टी(रास्वपा)ले प्रतिनिधिसभा उपनिर्वाचनमा भाग लिने भएको छ । प्रदेश सभा उपनिर्वाचनमा भने भाग नलिने रास्वपाले निर्णय गरेको छ । सोमबार बसेको केन्द्रीय समिति बैठकले इलाम निर्वाचन क्षेत्र नम्बर २ को उपनिर्वाचनमा भाग लिने निर्णय गरेको छ भने सुदूरपश्चिम प्रदेश सभाका बझाङ प्रदेश सभा निर्वाचन क्षेत्र नम्बर १ मा भने उम्मेदवार नउठाउने निर्णय गरेको छ ।
रास्वपा सहप्रवक्ता प्रतिभा रावलका अनुसार पार्टीले उपनिर्वाचनका विषयमा निर्णय गरेको हो । 'इलाम क्षेत्र नम्बर २ मा हुने प्रतिनिधिसभा उपनिर्वाचनमा भाग लिने निर्णय केन्द्रीय समितिले गरेको छ । सुदूरपश्चिम प्रदेश सभाका लागि बझाङमा हुने उपनिर्वाचनमा भने सहभागी नहुने निर्णय भएको छ,' उनले भनिन् ।
इलाम २ बाट निर्वाचित एमालेका प्रतिनिधिसभा सदस्य सुवासचन्द्र नेम्वाङको निधन भएपछि उक्त क्षेत्र रिक्त भएको थियो भने सुदूरपश्चिम प्रदेश सभा सदस्य बझाङ प्रदेश सभा निर्वाचन क्षेत्र नम्बर १ बाट निर्वाचित पृथ्वीबहादुर सिंहको निधन भएकाले त्यहाँ सिट रिक्त भएको थियो । यी दुवै क्षेत्रमा आगामी वैशाख १५ मा उपनिर्वाचन हुँदैछ ।
रास्वपा केन्द्रीय समितिले सरकारमा गएपछि मन्त्रीहरूको आवधिक कार्यसम्पादन गर्ने पनि निर्णय गरेको छ । त्यस्तै, सरकारका काममा सहयोग गर्न टीम पनि चयन गरिएको छ ।त्यस्तै, रास्वपाले जनसम्पर्क विभाग पनि गठन गरेको छ । विभागको प्रमुखको जिम्मेवारी इश्रा मुल्ला मियालाई तोकिएको छ । केन्द्रीय अनुशासन आयोगमा दुई सदस्य पनि थप्ने निर्णय रास्वपा केन्द्रीय समितिले गरेको छ ।
लेखकको बारेमा
यो खबर पढेर तपाईलाई कस्तो महसुस भयो ?
प्रतिक्रिया
Leave a Reply
कुनै पनि प्रतिक्रिया पाईएन !
ट्रेन्डिङ
सम्बन्धित खवर
