काठमाडौँ । सरकार समक्ष राष्ट्रियता, विकास, सुशासन, सेवा प्रवाह र जनजीविकासँग सम्बन्धित विभिन्न ४० बॅुदे माग पत्र पेस गरेर आन्दोलनमा होमिएको राप्रपाले चैत २७ गते काठमाडौँ केन्द्रित जनप्रदर्शन गर्दै छ। आफ्ना मागहरूबारे जनतालाई जागरूक तुल्याउन र जनमत सिर्जना गर्न राप्रपाका नेताहरू पॅाचदिने तराइ मधेस यात्रामा निस्कदैछन्। चैत ५ गतेदेखि ८ गतेसम्म तराइ मधेसका आठ जिल्लामा राप्रपाको आमसभा र कार्यकर्ता भेलाको आयोजना गरिएको प्रवक्ता मोहन श्रेष्ठले जानकारी दिए । राप्रपा अध्यक्ष राजेन्द्र लिङ्देनको नेतृत्वमा हुने तराइ मधेस स्तरीय विभिन्न कार्यक्रममा वरिष्ठ नेता उपाध्यक्ष बुद्धिमान तामाङ, वरिष्ठ उपाध्यक्ष रवीन्द्र मिश्र, महामन्त्री डा.धवलशमसेर राणा, प्रवक्ता ज्ञानेन्द्र शाही, मधेस प्रदेशका अध्यक्ष भरत गिरी, प्रतिनिधिसभा सदस्य बिना जयसवाल, नेतृ खुस्बु ओली र पार्टी सम्बद्ध युवा, विद्यार्थी, महिला संगठनका अध्यक्षहरू रहनेछन् ।