Comments
काठमाडौं । सीडीएस एण्ड क्लियरिङ लिमिटेडको प्रमुख कार्यकारी अधिकृत (सीईओ)मा प्रविन पन्दाक नियुक्त भएकी छिन् । कम्पनीको सञ्चालक समिति बैठकले पन्दाकलाई सीईओमा नियुक्त गरेको सीडीएससीका प्रवक्ता सुरेश न्यौपानेले जानकारी दिए ।पन्दाक यसअघि सीडीएससीकै बोर्ड सदस्य थिइन् । उनीसँग नेप्सेमा लामो समय सेवा गरेको अनुभव छ । उनको जन्मस्थान ताप्लेजुङ हो । उनले शंकरदेव क्याम्पसबाट व्यवस्थापनमा स्नातकोत्तर गरेकी छिन् । पन्दाकले नेपाल स्टक एक्सचेञ्ज (नेप्से) को प्रमुख कार्यकारी अधिकृतका लागि पटक पटक प्रतिस्पर्धा गरेकी थिइन् । उनी धेरैपटक सर्टलिस्टमा परेर पनि उनी नियुक्त हुन वञ्चित हुँदै आएकी थिइन् ।
सीडीएससी नेपाल स्टक एक्सचेञ्जकै भगीनी संगठन हो । नेप्सेका सीईओ एक्त कम्पनीको अध्यक्ष रहने व्यवस्था छ । उक्त कम्पनीले दोस्रो बजारमा सूचीकृत सम्पूर्ण शेयरको निक्षेप राख्ने र कारोबार वा हस्तान्तरण भएका सेयरको क्लियरिङ गर्ने काम समेत गर्छ । सीडीएससी अन्तर्गत हाल १२ निक्षेप सदस्य, २४८ रजिष्टर्ड कम्पनी, ६५ लाख ६ हजार डिम्याट खाता, ३७ लाख ६१ हजार मेरोसेयर प्रयोगकर्ता र १४ अर्ब ४ करोड कित्ता सूचीकृत सेयर रहेको छ ।
लेखकको बारेमा
