मुम्बई । बलिउडकाभाइजान सलमान खानकोघरबाहिर आइतबार बिहानै भएको गोली प्रहारको जिम्मा ग्याङ्स्टार लरेन्स विश्नोईका भाईले लिएका छन् । आइतबार ४ बजेर ५५ मिनेटमा बान्द्रास्थित ग्यालेक्सी अपार्टमेन्ट अगाडि दुई बाइक सवारले ६ राउण्ड गोली हानेका थिए । आक्रमणकारीहरूले हावामा गोली हानेर भागेका थिए । यो नै पहिलो र अन्तिम चेतावनी भएको पनि पोस्टमा भनिएको छ । अबका दिनमा गोली घर ताकेर मात्रै नचल्ने चेतावनी पनि पोष्टमा दिइएको छ ।  यो घटनाको सीसीटीभी फुटेज पनि बाहिर आएको बताइएको छ । भिडियोमा बाइकमा सवार आक्रमणकारीहरु देख्न सकिन्छ ।