काठमाडौँ ११ जेठ,।अख्तियार दुरुपयोग अनुसन्धान आयोगले सामुदायिक वनको काठ, दाउराको मूल्यांकन आफूखुसी गरी परिमाण घटाएको लगायत आरोपमा मोरङ मिक्लुङ सामुदायिक वनका पदाधिकारीविरुद्ध विशेष अदालतमा मुद्दा दायर गरेको छ । आयोगले वन उपभोक्ता समूहका तत्कालीन अध्यक्ष सन्तोषकुमार लावतीविरुद्ध नौ लाख ७७ हजार ३४९ रुपैयाँ, तत्कालीन सचिव देवीन्द्र कार्कीविरुद्ध आठ लाख १६ हजार ७४९ रुपैयाँ, कोषाध्यक्ष भीमा लम्साल ढकालविरुद्ध सात लाख दुई हजार ३४९ रुपैयाँबराबरको बिगो दाबी गरेको छ ।