काठमाडौँ — नेपाल एसोसिएसन अफ टुर एण्ड ट्राभल एजेन्ट्स (नाट्टा) ले हवाई भाडामा लगाइएको मूल्य अभिवृद्धि कर (भ्याट) हटाउन माग गरेको छ । पर्यटन क्षेत्रले हाल भोग्नु परिरहेका समस्याहरुका विषयमा पर्यटन तथा नागरिक उड्डयनमन्त्री हितबहादुर तामाङसमक्ष नाट्टाले अब आउने बजेटबाट भ्याट हटाउन माग गरेको हो । लाजिम्पाटस्थित एक होटलमा आयोजित कार्यक्रममा नाट्टाका अध्यक्ष रमेश थापाले मन्त्री तामाङलाई आर्थिक वर्ष २०७९/०८० मा सरकारले हवाई भाडादरमा लगाएको मूल्य अभिवृद्धि करले समग्र पर्यटन क्षेत्रमा पारेका असरबारे बताएका थिए ।