काठमाडौँ । राष्ट्रपति रामचन्द्र पौडेलको सवारीमा मंगलबार निजी तथा सार्वजनिक सवारी निर्बाध चलेका छन् । आर्थिक वर्ष २०८१–०८२ को सरकारको नीति तथा कार्यक्रम प्रस्तुत गर्न नयाँ बानेश्वरस्थित संसद् भवनमा गएका राष्ट्रपति पौडेको सवारीमा बानेश्वर चोकमा मात्रै सवारी साधन चल्न रोक लगाइएको छ ।बानेश्वर चोकबाट संघीय संसद्को गेटसम्म केहीबेर निजी तथा सार्वजनिक सवारी होल्ड गरिएको उपत्यका ट्राफिक प्रहरी कार्यालयका डीआईजी पोषराज पोखरेलले रातोपाटीलाई बताए ।  राजकीय कार्यक्रम भएको हुनाले करिब ५० मिटर सडकमा मात्रै गाडी रोकेर सवारी चलाइएको पोखरेलको भनाइ छ ।