काठमाडौँ । सुरक्षाकर्मीहरूको सेवा निवृत्त हुने उमेर पुनरावलोकन गर्न अध्ययन गर्ने घोषणा गरिएको छ । अर्थमन्त्री वर्षमान पुनले संसदमा आर्थिक वर्ष २०८१/०८२ को बजेट पेस गर्दै सो घोषणा गरेका हुन् । प्रहरी र शसस्त्रमा अवकाश हुने उमेर बढाउनुपर्नेबारे छलफल भइरहेको छ । प्रहरी र सशस्त्रको नयाँ ऐनमा त्यसबारे व्यवस्था गर्नेबारे छलफल भइरहेको बेला अर्थमन्त्रीले सो घोषणा गरेका हुन् । नेपाल प्रहरी, सशस्त्र र राष्ट्रिय अनुसन्धान विभागलाई संस्थागत रूपमा सुदृढ र व्यवसायीक बनाउने घोषणा गरिएको छ । अर्थमन्त्रीले कारागारलाई सुधार गृहको रूपमा विकाश गर्ने घोषणा गरेका छन् ।