बुटवल । लुम्बिनी प्रदेशका वन तथा वातावरणमन्त्री बादशाह कुर्मीले राजीनामा दिएका छन् । मन्त्री कुर्मीले मंगलबार पदबाट राजीनामा दिएका हुन् । लुम्बिनी प्रदेशका मुख्यमन्त्री चेतनारायण आचार्यसँगकाे छलफलपछि बुधबार बिहान राजीनामा पत्र बुझाउने कुर्मीले बताए । उनले भने, 'उहाँ (मुख्यमन्त्री)सँग कुराकानी हुँदा भोलि बिहान राजीनामा पत्र बुझाउँछु ।'लुम्बिनी प्रदेश नेपाली कांग्रेस संसदीय दलका नेता डिल्लीबहादुर चौधरीले कुर्मीले राजीनामा बुझाउने जानकारी पार्टीको केन्द्र र प्रदेशमा गरिएको बताए । चौधरीले पार्टीले फिर्ता बलाउनु भन्दा पनि कुर्मीले आफ्नै कारणले राजीनामा बुझाउन लागिएको बताए ।