तत्कालीन राजा ज्ञानेन्द्रको निरंकुश शासन अन्त्य गर्ने आन्दोलनमा अग्रपंक्तिमा उभिएका कलाकार श्रेष्ठले अहिलेका नेताहरूले जनताको भावना अनुसार शासन–प्रशासन सञ्चालन नगरेको भन्दै असन्तुष्टि जनाए ।‘पहिलो पटक भोट माग्न आए राम्रो गर्ने, दोस्रो खेप पनि उही आए ठिकठिकै गर्ने, तेस्रो पटक आए घोक्राएर पठाउनु पर्छ,’ उनले भने, ‘हामीले निरंकुशतन्त्र फाल्यौं तर अहिलेका नेता झन् महानिरंकुश भए । त्यसैले अब त्यस्ता नेतालाई नदोहोर्‍याउने टार्गेट २०८४ को चुनाव हुनुपर्छ ।’