Comments
काठमाडौँ । राष्ट्रिय मानवअधिकार आयोगले ग्रामीण भेगका नागरिकहरूको स्वास्थ्य उपचारका लागि आपत्कालीन हेली उद्धार माग गर्दै आमरण अनसनमा बसेका दीपक सिलवालको जीवन रक्षा गर्न माग गरेको छ । तेह्रथुमको फेदाप–५ का ४२ वर्षीय दीपक सिलवाल गत भदौ २१ गतेदेखि काठमाडौँको शान्ति बाटिकामा आमरण अनसन बसेका थिए ।
सिलवालको स्वास्थ्य अवस्था कमजोर बन्दै गएपछि आयोगले बुधवार अनुगमन गरेको हो । ‘अनुगमनको क्रममा निज सिलवालको स्वास्थ्य स्थिति कमजोर बन्दै गएको पाइएकोले निजको स्वास्थ्योपचार सहित जीवन रक्षाको लागि आयोगले आजै गृह मन्त्रालयका साथै जिल्ला प्रशासन कार्यालय, काठमाडौँ र प्रहरी परिसर भद्रकाली काठमाडौँलाई समेत तपसिल बमोजिम पत्राचार गरेको छ’, आयोगका प्रवक्ता डा.टीकाराम पोखरेलले जानकारी दिए ।
लेखकको बारेमा
