काठमाडौँ । राष्ट्रिय मानवअधिकार आयोगले दैनिक उपभोग्य खाद्यान्न तथा अन्य वस्तुहरूको विक्री वितरणको अवस्था र उपलब्धता, सार्वजनिक यातायातको व्यवस्थापन लगायतका विषयमा अनुगमन गरेको छ । आयोगले  दसैँ, तिहार र छठ पर्व नजिकिँदै गर्दा अनुगमनलाई तीव्रता दिएको हो ।शुक्रवार एक विज्ञप्ति जारी गर्दै आयोगले खाद्य व्यवस्था तथा व्यापार कम्पनी लिमिटेड र साल्ट ट्रेडिङ्ग कर्पोरेशन एवम् सो अन्तर्गतका सुपथ मूल्यका पसलहरु, सुपर मार्केट र खुद्रा किराना पसलहरूको अनुगमन गरेको  बताएको छ । साथै काठमाडौँ उपत्यकाका बल्खु, कलङ्की, नयाँ बसपार्क, गौशाला र कोटेश्वर क्षेत्रमा रहेका यातायात व्यवसायी केन्द्रहरू र सेवाग्राहीहरूसँग समेत आयोगले जानकारी लिएको छ ।