जवाफमा ९४ रनको सामान्य लक्ष्य पछ्याएको पुलिसले २४ दशमलव ५ बलमा ५६ रनको लज्जास्पद स्कोरमा समेटियो । पुलिसका कुनै पनि ब्याटरले दोहोरो अंकमा रन बनाउन सकेनन् । कोशीको जितमा 'प्लेयर अफ म्याच' प्रेम कामतले ५ विकेट हात पारे । प्रादेशिक टिममा पहिलो पटक डेब्यु गरेका कामतले ९ ओभर बलिङ गर्दै केबल १५ रन मात्र खर्चिएर पुलिसको महत्त्वपूर्ण विकेट हात पारेका हुन् । अर्का बलर प्रकाश कार्कीले ३ विकेट लिए । खेलको प्लेयर अफ दि म्याच प्रेम कामतले नगद ४ हजार पाए । यो जितसँगै समूह बीमा रहेको कोशीले महत्त्वपूर्ण दुई अंक हासिल गरेको छ । समूह 'ए'बाट त्रिभुवन आर्मी यसअघि नै फाइनल पुगिसकेको छ । बुधबार समूह बीको दोस्रो लिग खेल कोशी प्रदेशले भारतको आसाम क्लबको सामना गर्नेछ ।यो खेलमा जित हात पारे कोशीले आर्मीसँगको उपाधि भीडन्त पक्का गर्नेछ । एमएम कप फाउण्डेसन सुनसरीको आयोजनामा जारी प्रतियोगिताको फाइनल खेल वैशाख २० गते हुनेछ । फाइनल खेलका विजेताले नगद चार लाख र उपविजेताले दुई लाख र ट्रफी पाउने छन् ।