काठमाडौँ । नेपाल उद्योग वाणिज्य महासंघका अध्यक्ष चन्द्रप्रसाद ढकालले सरकारले निजी क्षेत्रले दिएका सुझावलाई सम्बोधन गरेको प्रतिक्रिया दिएका छन् । संघीय संसद्को दुवै सदनको संयुक्त बैठकमा  प्रस्तुत नीति तथा कार्यक्रमपछि रातोपाटीसँग नीति तथा कार्यक्रमका विषयमा प्रतिक्रिया दिँदै यस्तो बताएका हुन् । उनले नीति तथा कार्यक्रममा निजी क्षेत्रका सुझावलाई सरकारले प्रमुख प्राथमिकताका साथ समावेश गरेको बताए । उनले निजी क्षेत्रका सुझावलाई समावेश गर्नु सकारात्मक भएको भन्दै सरकारले कार्यान्वयन गर्नु आवश्यक रहेको बताए । उनले डिजिटल कारोबार,सरकारका सेवा सुविधालाई डिजिटलाइज गर्ने,शिक्षालाई रोजगारी, सीप र उद्यमसँग जोड्ने विषय निजी क्षेत्रको सुझाव रहेको बताए ।उनले निजी क्षेत्रका यस्ता सुझावलाई सरकारले प्रतिबद्धता देखाउनु सकारात्मक भएको उल्लेख गरे ।