काठमाडौँ । देशभरका २४ वटा नगरपालिकाले आगामी आर्थिक वर्ष २०८२/०८३ को बजेट ल्याउन नसकेको पाइएको छ । कुल २९३ वटा नगरपालिका उपमहानगर र महानगर समेत मध्ये निर्धारित समयमा बजेट २६९ वटा नगरपालिकाले मात्रै बजेट ल्याउन सकेको हो ।  कुल नगरपालिका मध्ये ९२ प्रतिशत नगरहरूले बजेट ल्याएका छन् भने ८ प्रतिशतले ल्याउन सकेका छैनन् । बजेट नल्याउने मधेसका धेरै नगर  नेपाल नगरपालिका सङ्घले असार १० गते मंगलबार साँझ साढे ६ बजेसम्म जम्मा गरेको तथ्याङ्क अनुसार मधेसका ७७ वटा नगरपालिका मध्ये १६ वटा नगरपालिकाले बजेट ल्याउन सकेनन् ।