Comments
नेपालगन्ज, असार - नेपालगन्ज उपमहानगरपालिका र नेपाल घरेलु तथा साना उद्योग महासंघ नेस्मा नेपालगन्ज समितिले स्थानीय उद्योग विकास र स्वदेशी उत्पादन प्रवर्द्धनका लागि ऐतिहासिक सहकार्य सम्झौतामा हस्ताक्षर गरेका छन्। उपमहानगरपालिका कार्यालयमा आयोजित एक भव्य समारोहमा यसरी सहकार्य कार्यक्रम सुरु गरिएको हो। यो सहकार्य कार्यक्रमले साना तथा घरेलु उद्यमहरूलाई प्रविधि, प्रशिक्षण, बजार पहुँच र पूँजी उपलब्धताका साथै उद्यमिता विकासका लागि महत्वपूर्ण सहयोग पुर्याउनेछ । नेपालगन्जमा साना तथा घरेलु उद्योगहरूको संख्या धेरै छ ।
यी उद्योगहरूलाई संस्थागत रूपमा सहयोग पुर्याउन यो सहकार्य गरिएको हो। यसले स्थानीय रोजगारी, आर्थिक सशक्तिकरण र ग्रामीण क्षेत्रको विकासमा महत्वपूर्ण भूमिका खेल्नेछ।" नेस्मा नेपालगन्ज समितिका अध्यक्षले यस सहकार्य कार्यक्रमले स्थानीय उद्यमीहरूलाई तालिम, प्रविधि हस्तान्तरण र बजार सम्पर्क जस्ता सेवाहरू प्रदान गर्ने बताए । उनले भने, हामीले उद्यमीहरूको क्षमता विकास गर्न विभिन्न प्रशिक्षण कार्यक्रम चलाउने छौं। यसमा विशेष गरी महिला र युवाको सहभागिता बढाउन प्राथमिकता दिइनेछ।कार्यक्रम अन्तर्गत निम्नलिखित प्रमुख कार्यहरू सम्पन्न गरिनेछः उद्यमीहरूको लागि प्रशिक्षण कार्यक्रम सिलाई, काष्ठ कला, धातु शिल्प, खाद्य प्रसंस्करण आदि)तकनीकी सहयोग र उत्पादन प्रविधिमा आधुनिकीकरण निर्मित सामग्रीका लागि बजार पहुँच सुनिश्चित गर्ने सामुहिक बजारीकरण र प्रदर्शनीको आयोजना साना उद्योगलाई वित्तीय सहयोगको लागि बैंक तथा वित्तीय संस्थासँग सम्पर्क उपमहानगरपालिकाले यो कार्यक्रम अन्तर्गत एक विशेष साना उद्योग विकास कोष स्थापना गर्ने योजना बनाएको छ । 
यस संयुक्त पहलले नेपालगन्जको आर्थिक विकासमात्र होइन, सामाजिक सशक्तिकरणमा पनि ठूलो योगदान पुर्याउने अपेक्षा गरिएको छ। स्थानीय निकाय र निजी क्षेत्र बीचको यस प्रकारको सहकार्यले अन्य क्षेत्रहरूमा पनि नमुना बन्न सक्ने विशेषज्ञहरूको विश्लेषण छ। लेखकको बारेमा
यो खबर पढेर तपाईलाई कस्तो महसुस भयो ?
प्रतिक्रिया
Leave a Reply
कुनै पनि प्रतिक्रिया पाईएन !
ट्रेन्डिङ
सम्बन्धित खवर
