काठमाडौँ । नेपाली कांग्रेस निर्वाचन समिति संयोजक खम्बबहादुर खातीले केन्द्रीय कार्यसमितिले गरेको निर्णय गगन थापा र विश्वप्रकाश शर्मालाई उल्ट्याउने अधिकार नरहेको दाबी गरेका छन् ।गगन–विश्व समूहले विशेष महाधिवेशन गरेर नयाँ केन्द्रीय कमिटी चयन गरेपछि कांग्रेसमा आधिकारिकताको लडाइँ जारी छ । सोही सन्दर्भमा शेरबहादुर देउवा पक्षले शुक्रबार आयोगमा पुगेर आफ्ना कुरा राख्दै दिउँसो पार्टी कार्यालयमा पत्रकार सम्मेलन गरेको थियो । उक्त पत्रकार सम्मेलनमा खातीले महामन्त्रीलाई विशेष महाधिवेशन गर्ने अधिकार नभएको बताएका हुन् ।