काठमाडौँ — यातायात कार्यालय चाबहिलका प्रमुख पेशलकुमार पोखरेलसहित २७ जनाको मोबाइल र विद्युतीय डिभाइसहरु अख्तियारले नियन्त्रणमा लिएको छ । लाइसेन्स ट्रायलमा रकम असुलेको आरोपमा छानबिनका लागि अख्तियारले मंगलबार दिउँसो कार्यालय प्रमुखसहित १७ कर्मचारी, यातायातमा खटिएका तीनजना प्रहरी र ड्राइभिङ सेन्टरका ७ जनाको साथबाट मोबाइलसहितका उपकरणहरु नियन्त्रणमा लिएको हो । अख्तियारका अनुसार पोखरेलसहित १७ कर्मचारीका साथबाट २५ थान, ३ प्रहरीको साथबाट तीन थान र नेपाल ड्राइभिङ एन्ड रिकन्डिसन सेन्टरका ७ कर्मचारीबाट ९ थान गरी ३९ थान मोबाइल नियनत्रणमा लइएको हो ।