काठमाडौँ । राष्ट्रिय युवा परिषदका कार्यकारी उपाध्यक्ष सुरेन्द्र बस्नेतले आसन्न प्रतिनिधि सभा र प्रदेश सभाको निर्वाचनमा कुल उम्मेदवार मध्ये कम्तिमा ४० प्रतिशत उम्मेदवार युवालाई वनाउन विभिन्न राजनीतिक दल तथा अन्य सम्वद्ध निकायलाई आग्रह गरेका छन् । संविधान दिवसको अवसरमा परिषदको तर्फबाट विज्ञप्ति जारी गर्दै बस्नेतले भनेका छन् - ' जनसंख्याको ४०.३५ प्रतिशत युवा  जनसंख्या रहेको समय जनसांख्यिक लाभांशको समय हो । यसको भरपूर सदुपयोग गर्नका निमित्त एकातिर हामीले राष्ट्रिय जीवनका हरेक क्षेत्रमा युवा परिचालन , सहभागिता र नेतृत्व विकासमा जोड दिनुपर्दछ भने अर्कोतिर युवालाई रोजगारी , उद्यमशीलता र सीप विकासमा जोड्नुपर्दछ ।'