काठमाडौँ । सरकारले वैदेशिक रोजगार व्यवसायीहरूको क्षमता अभिवृद्धि गर्न तालिम दिन थालेको छ । वैदेशिक रोजगार क्षेत्रमा देखिएका विद्यमान समस्यालाई कम गर्न  बोर्डले  तालिम दिन थालेको हो आइतबार र सोमबार गरेर दुई दिनसम्म चल्ने तालिममा सबै व्यवसायीलाई अनिवार्य गरिएको बोर्डका कार्यकारी निर्देशक डाक्टर द्वारिका उप्रेतीले जानकारी दिए । तालिममा वैदेशिक रोजगार विभागका महानिर्देशक उमाकान्त आचार्य, मन्त्रालयका सहसचिवहरू राजिव पोखरेल, डा. भीष्मकुमार भुसाललगायतले प्रशिक्षण दिनेछन् ।व्यवसायीहरूबाट नेपाली श्रमिक ठगिँदै आएका घटना व्याप्त छन् । यस्ता कतै नियतबस ठग्ने गरेका देखिन्छन् भने कतिपय अवस्थामा नजानेर श्रमिक ठगीमा पर्ने गरेका छन् ।तालिमबाट व्यवसायीहरूले नेपालमा विद्यमान रहेका कानुनी अवस्थाको बारेमा जानकारी पाउनेछन् । त्यस्तै अन्तर्राष्ट्रिय स्तरमा कस्तो खालका अभ्यासहरू भइरहेका भन्ने विषयमा समेत व्यवसायीहरूलाई जानकारी गराइनेछ । उक्त, तालिम पश्चात व्यवसायीहरूबाट श्रमिकमाथि हुने गरेका ठगीका घटना कम हुने अपेक्षा बोर्डले लिएको छ ।