काठमाडौँ । सरकारले पाँच जना सहसचिवको सरुवा गरेको छ । आन्तरिक राजश्व विभागका महानिर्देशक भूपाल बरालसहित विभिन्न मन्त्रालयमा कार्यरत सहसचिवहरूको सरुवा गरेको हो । दुई महिना अघि मात्रै आन्तरिक राजश्व विभागमा सरुवा गरिएका बराललाई वन तथा वातावरण मन्त्रालयमा पठाइएको छ । तत्कालीन अर्थमन्त्री डा. प्रकाशशरण महतले वित्तीय क्षेत्र व्यवस्थापन तथा संस्थान समन्वय महाशाखा प्रमुख बराललाई विभागमा पठाएका थिए । कसको कहाँ भूपाल बराल– वन तथा वातावरण मन्त्रालय अर्जुन प्रसाद भट्टराई – सङ्घीय मामिला तथा सामान्य प्रशासन मन्त्रालय ढुण्डीराज निरौला – अर्थ मन्त्रालय शिवलाल तिवारी – अर्थ मन्त्रालय नारायण सापकोटा – अर्थ मन्त्रालय