काठमाडौँ । नेपाल विद्यार्थी संघ (नेविसंघ) ले विद्यालय शिक्षा विधेयक कता हराएको भन्दै प्रश्न गरेको छ । संसद्को शिक्षा, स्वास्थ्य तथा सूचना प्रविधि समितिका सभापति अम्मरबहादुर थापालाई ज्ञापन पत्र बुझाउँदै नेविसंघले विधेयक कता हराएको भन्दै प्रश्न गरेको हो । नेविसंघले विधेयकमाथिको छलफल तत्काल अघि बढाउन माग गरेको छ । विद्यालय शिक्षा विधेयक लामो समयदेखि शिक्षा समितिमा छलफलको क्रममा छ । तर, पछिल्लो समय विधेयकमाथिको छलफल कम भएको छ । विधेयक लगायत शिक्षा क्षेत्रका विविध विषयमा सभापति थापालाई ९ बुँदे ज्ञापन पत्र बुझाउँदै विधेयक कता हराएको भन्दै प्रश्न गरेको हो ।