काठमाडौँ । बाबा राम देवको निमन्त्रणामा चितवनको भरतपुर महानगरपालिका मेयर तथा नेकपा माओवादी केन्द्रका केन्द्रीय सदस्य रेनु दाहाल भारत पुगेकी छिन् । पूर्वप्रधानमन्त्री तथा माओवादीका अध्यक्ष पुष्पकमल दाहाल प्रचण्डकी पुत्री समेत रहेकी दाहाल पतञ्जलि योग पीठका रामदेवद्वारा प्रवर्द्धित ‘हाम्रो स्वाभिमान ट्रस्ट’ द्वारा आयोजित तिज कार्यक्रममा सहभागी हुन भारतको राजधानी नयाँदिल्ली पुगेकी हुन् । रामदेवसँग दाहाल परिवारको सम्बन्ध प्रगाढ रहेको बताइएको छ ।   २०७८ मंसिर ३ गते काठमाडौँस्थित मण्डिखाटारमा पतञ्जलि योग पीठको उद्घाटन गर्दै प्रचण्डले सुरुमा रामदेव परम्परावादी जस्तो लागे पनि सङ्गत गर्दै जाँदा क्रान्तिकारी लागेको बताएका थिए ।