प्रधामन्त्रीले भारतलाई रिझाउने हिसाबले त्यस्तो बोलेको हो कि भन्ने शङ्का उत्पन्न भएको उनले बताए। प्रधानमन्त्री साहको ‘नेपालले भारतको सीमा मिचेको रहेछ’ भन्ने अभिव्यक्तिले देशको भौगोलिक अखण्डता, सार्वभौम सत्ता र सुरक्षामाथि नै खतरा हुने देखिएको उनको भनाइ छ। प्रधानमन्त्रीले नेपालले भारतको कहाँ र कति भूमि मिचेको हो भन्ने कुरा स्पष्ट रूपमा जानकारी दिनुपर्ने उनले बताए। अध्यक्ष राईले भने, ‘उहाँले बोल्नुभएको सरासर गलत छ, कार्यकारी प्रमुखले त्यो तरिकाले बोल्न हुन्न। उहाँले जे बोल्नु भएको छ, त्यसले हाम्रो देशको भौगोलिक अखण्डता, सार्वभौम सत्ता, सुरक्षामाथि नै खतरा हुने देखिन्छ। त्यो बोलिसकेपछि विभिन्न ठाउँहरूमा भारतीय सेनाहरू हातहतियार लिएर प्रवेश गरे, विभिन्न खालको योजनाहरू रोकिए, भन्ने कुराहरू आइरहेको छ।’