वीरगंज – प्याब्सन वीरगंज महानगर समितिको आयोजनामा जारी अण्डर-१२ क्रिकेट प्रतियोगिता अन्तर्गत बिहीबार भएको पहिलो खेलमा कालिका एकेडेमी विजयी भएको छ।
वीरगंजस्थित ज्ञानदा एकेडेमीको मैदानमा भएको खेलमा एसआर ग्यालेक्सी वीरगंज –१३ राधेमाईलाई २९ रनले पराजित गर्दै कालिका एकेडेमी (कालिकामाई गाउँपालिका–२, भेडिहारी) विजयी भएको हो। एसआर ग्यालेक्सीले टस जितेर फिल्डिङ रोजेपछि ब्याटिङ गरेको कालिका एकेडेमीले १० ओभरमा ६ विकेट गुमाएर १०९ रन बनाएको थियो। जवाफी ब्याटिङमा उत्रिएको एसआर ग्यालेक्सी ७ ओभरमै सबै विकेट गुमाउँदै ८० रनमै समेटिएपछि कालिका एकेडेमी विजयी घोषित भयो। खेलका म्यान अफ द म्याच कालिका एकेडेमीका सोनु साह घोषित भए, जसले ५० रनको महत्वपूर्ण योगदान दिए। उनलाई प्याब्सन मधेश प्रदेशका उपाध्यक्ष पुरण प्रधानले सिल प्रदान गरे।