वीरगञ्ज – साउथ जोन माद्यामिक विद्यालयले वीरगञ्जको पहिलो मेयर केशरमान मानन्धरको स्मृतिमा सञ्चालित अन्तर विद्यालय नकआउट फुटबल टुर्नामेन्ट २०७९ को उपाधि उचालेको छ । शनिबार वीरगञ्जस्थित आदर्शनगर रंगशालामा सम्पन्न फाईनल खेलमा मुनलाईट माविलाई टाई बे्रकरमा ४–१ ले पराजित गर्दै साउथ जोनले उपाधि उचालेको हो । पहिलो हाफमा मुनलाईटलाई दबाबमा राख्दै साउथ जोनका रोहनराज श्रेष्ठले एक गोल गरेका थिए । तर दोस्रो हाफको शुरुवातदेखि नै साउथ जोनलाई दबाबमा राख्न सफल भएको मुनलाईटले इन्जुरी समयमा एक गोल फर्काएपछि साउथ जोनले अग्रता गुमाएको थियो । दोस्रो हाफमा मुनलाईटले उत्कृत्ट खेल प्रदर्शन गरे पनि टाई ब्रेकरमा साउथ जोनले ४–१ को स्कोर बनाएपछि उसले उप–विजेतामा चित्त बुझाउनु प¥यो । फाईनल खेलको म्यान अफ द म्यान साउथ जोनका रोहनराज श्रेष्ठ घोषित भए । यस्तै, प्रतियोगिता अवधिभर उत्कृष्ट खेल प्रदर्शन गरेका मुनलाईटका रितेश चौधरी बेस्ट डिफेन्डर, साउथ जोनका सावन चौधरी बेस्ट गोलकिप्पर र साउथ जोनका रोशन चौधरीले म्यान अफ द सिरिजको उपाधि पाए । यसअघि, भेट्रान्स सिटी क्लब वीरगञ्जको आयोजनामा गत फागुन ७ गतेदेखि शुरु भएको सो प्रतियोगितामा फाईनल खेलको उद्घाटन वीरगञ्ज महानगरपालिका मेयर राजेशमान सिंहले गरेका थिए । क्लबका कोषाध्यक्ष सुबोध श्रीवास्तावको अध्यक्षतामा भएको सो प्रतियोगिताको समापन समारोहमा वीरगञ्जबाट फुटबल खेलेर वीरगञ्जको शान र मान राष्ट्रिय र अन्र्तराष्ट्रिय स्तरमा ब ढाएकोमा कदर स्वरुप मनोज भट्राईलाई मेयर सिंहले प्रशंसा पत्रले सम्मान गरे । समापन समारोह क्लबका संस्थापक सचिव विनोद परियारको सहजीकरणमा भएको थियो ।